Mamma Veit Best er Heilsubúð og Heildsala með hágæða bætiefni, og snyrtivörur.

Mamma Veit Best er fyrirtæki með þann tilgang að færa ykkur það besta af lífrænum heilsuvörum, bætiefnum og snyrtivörum víðs vegar að úr heiminum. Nafnið vísar í þá trú okkar að Móðir jörð viti hvað er best fyrir börnin sín og hjá henni getum við fundið þær lausnir sem við leitum að. Með það að leiðarljósi gerum við okkar besta til að virða og heiðra móðurina sem við deilum öll, Jörðina.

 


Stefnan okkar

Við vitum að það er heill frumskógur af bætiefnum í boði hér á landi. Við vitum líka að þau eru eins misjöfn og þau eru mörg, og eru langt frá því að standa jafnfætis hvað gæði varðar. Þess vegna veljum við allar okkar vörur af kostgæfni til að tryggja að þær séu eins náttúrulegar, áhrifaríkar, heiðarlegar og umhverfisvænar og hugsast getur. Okkar markmið er að þegar þið kaupið af okkur vörur getið þið verið örugg um að fá það besta fyrir ykkur sjálf og fjölskylduna hvað varðar gæði, hreinleika og virkni.

Við erum lítill en ástríðufullur hópur fólks með margra ára reynslu og menntun í næringar- og heilsugeiranum, tilbúin að hjálpa þér að taka ábyrgð og stjórn á eigin heilsu.

 

Hvað er í gangi núna hjá mömmu?

Við verðum á sýningunni Heilsa og lífstíll í Hörpunni helgina 29-30 okt. Þessa dagana erum við að skipuleggja skemmtilega viðburði, smakk og eitthvað fyrir ykkur til að taka með heim :)

Hlökkum til að sjá þig!

 

 

 

 

 

Framtíðin

Við hjá Mamma veit best reynum að lifa í núinu en erum samt alltaf að hugsa okkar næstu skref. Við erum dugleg að kynna okkur nýjungar, förum erlendis á heilsuvörusýningar og setjum okkur í samband við fagaðila um allan heim ef nýjar vörur vekja áhuga okkar. Einnig fylgjumst við vel með rannsóknarheiminum sem stöðugt er að færa okkur nýjar upplýsingar og niðurstöður sem við getum miðlað til viðskiptavina okkar og notað til ákveða hvaða vörur við viljum bjóða uppá.

Markmið okkar er að halda áfram að bjóða uppá hágæða vörur og þjónustu og stuðla að því að Mamma veit best ehf, Móðir Jörð og við öll getum vaxið og dafnað í sátt og samlyndi.

 

Heilbrigður lífstíll og tilgangur bætiefni

Bætiefnabransinn er oft gagnrýndur fyrir að fullyrða um virkni sem þykir ósönnuð og að gefa fólki falskar vonir um bót á hinum ýmsu vandamálum. Oft er þessi gagnrýni byggð á fordómum og er skellt fram án röksemda þó stundum eigi hún rétt á sér.

Við hjá Mamma veit best leggjum ríka áherslu á það að EKKERT kemur í stað heilnæms mataræðis og heilsusamlegs lífsstíls þegar kemur að því að halda heilsu og fyrirbyggja sjúkdóma. Bætiefni eru það sem nafnið gefur til kynna; viðbót við mataræðið sem svo sannarlega veitir ekki af hjá mörgum. Bætiefni eru eins misjöfn og þau eru mörg og sum þeirra eru vita gagnslaus. Þess vegna leggjum við svona mikið upp úr því að velja þær vörur sem við seljum af kostgæfni. Hjá okkur færðu faglegar, einstaklingsmiðaðar ráðleggingar sem taka mið af þínum einstöku þörfum og vörur sem eru bæði hreinar og virkar.

 

Hópurinn okkar :)


 
Anna Kolbrún
Anna Kolbrún Jensen

Vefstjóri - verslun

Anna Kolbrún er tölvugúrúinn okkar hjá Mamma veit best. Hún hefur yfirumsjón með fallegu heimasíðunni okkar, tekur myndir, kann á öll fínu forritin og sér til þess að við séum með vefmálin á hreinu. Anna Kolbrún er líka félagsfræðingur og ljósmyndari, tveggja barna móðir, spekingur og snillingur.

Ef þig vantar upplýsingar um eitthvað varðandi heimasíðuna eða önnur vefmál skaltu hafa samband við Önnu Kolbrúnu á anna@mammaveitbest.is

María Ísafold
Martha Ernstdóttir

Hlaupadrottning - sjúkraþjálfari - hómópati -

höfuðbeina og skjaldhryggs meðferðaraðili

- hlaupa og frjálsíþróttaþjálfari

Martha er mörgum kunnug. Við erum svo heppin að hafa hana í okkar hópi. Martha veitir ráðgjöf alla fimmtudaga og svo inn á milli þegar hún hefur tíma.

Ef þig vantar upplýsingar um hreifingu, næringu og lífsstíl skaltu kíkja til okkar eða hafa samband við Mörthu á

Tara Jensdóttir
Tara Jensdóttir

Framkvæmdastjóri - markaðsmál

Skipstjóradóttirin Tara er kapteinninn í brúnni hjá Mamma veit best. Hún stjórnar skútunni af röggsemi og sér til þess að hún sökkvi ekki og enginn detti fyrir borð. Verkefni Töru eru mörg og misjöfn en hún sinnir þeim öllum vel auk þess að vera sannkallaður gleðigjafi. Tara er líka saumameistari, móðir og hefur brennandi áhuga á tísku enda alltaf flott í tauinu.

Ef þig vantar upplýsingar varðandi eitthvað fjármálatengt eða viðskipatengt skaltu hafa samband við Töru á tara@mammaveitbest.is

 

 

Ösp Viðarsdóttir
Ösp Viðarsdóttir

Næringarþerapisti – ráðgjafi - penni

Ösp hellti sér út í heilsubransann fyrir nokkrum árum eftir að hafa sjálf þurft að breyta um mataræði og lífsstíl. Hún lærði næringarþerapíu á Írlandi og hefur unnið við fræðslu og ráðgjöf bæði þar og hér heima síðan 2009. Hún miðlar reynslu sinni og þekkingu til þeirra sem hingað koma auk þess að skrifa fréttabréfið og hafa umsjón með öllum upplýsingum sem er að finna á heimasíðunni. Hún er sælkeri sem vildi helst eyða öllum stundum í tilraunaeldhúsinu þar sem hún leggur kapp á að búa til hollan og bragðgóðan mat.

Ef þig vantar upplýsingar um um bætiefni, næringu og lífsstíl skaltu hafa samband við Ösp á osp@mammaveitbest.is

Vasko
Vasko

Lager - Sendingar - útkeyrsla

Vasko er vaski sendillinn frá Makedóníu. Hann sér um að finna til pantanir og keyra þær um allan bæ og er snöggur að því. Hann flutti til Íslands á síðasta ári og eyðir nú dögunum í litla sæta sendibílnum okkar á götum Reykjavíkur. Í frítímanum finnst Vasko afskaplega gott að fara í sund enda telur hann það allra meina bót.

Ef þig vantar upplýsingar um sendingar og útsölustaði hafðu þá samband við Vasko á vasko@mammaveitbest.is en hafðu það á ensku því Vasko hefur ekki alveg náð tökum á íslenskunni ennþá.

 

"Pranava" Rúnar Gígja

Stofnandi - eigandi

Pranava er stofnandi og eigandi Mamma veit best ehf. Hann byrjaði smátt en tókst fljótt að byggja upp dyggan hóp viðskiptavina með jákvæðni sinni og sannfæringu og þeim frábæru, hreinu vörum sem fyrirtækið hefur alltaf lagt áherslu á. Pranava er andlega nafn Rúnars en hann er lærisveinn Sri Chinmoy og stundar hugleiðslu og andlegan lífsstíl í hans anda. Pranava er oft á ferð og flugi um allan heim að kanna nýjar lendur og finna nýjar vörur.

Ef þig vantar upplýsingar um eitthvað sem þú telur hina ekki geta veitt skaltu hafa samband við Pranava á pranava@mammaveitbest.is